Առաջադրանք 1
Փաստերով հիմնավորիր, որ Ալեքսանդր Մակեդոնացին հին աշխարհի մեծագույն գործիչներից է:
Ալեքսանդր Մակեդոնացին կառավարել է Ք. ա. 336-323 թթ.: Տաղանդավոր այդ երիտասարդը ստացել էր հունական հիմնավոր կրթություն: Նրա ուսուցիչն էր իմաստասեր Արիստոտելը: Գիտելիքների և անկոտրում կամքի շնորհիվ նրան վերապահված էր դառնալ Հին աշխարհի մեծագույն գործիչներից մեկը:
Ալեքսանդր Մակեդոնացին ավարտին հասցրեց պարսիկների դեմ պատերազմի նախապատրաստությունը:
Ներկայացրու Ալեքսանդր Մակեդոնացու մահից հետո նրա ստեղծած աշխարհակալ տերության տրոհման պատճառները:
Ալեքսանդր Մակեդոնացին մահացավ Ք. ա. 323 թ. 33 տարեկան հասակում: Արքայական իշխանության համար դաժան պատերազմներ սկսվեցին: Միմյանց դեմ պայքարում էին Ալեքսանդր Մեծի զորավարները, որոնցից յուրաքանչյուրը ձգտում էր զբաղեցնելու թափուր գահը: Ի վերջո Ալեքսանդրի տերությունը տրոհվեց: Առաջացան հելլենիստական նոր պետություններ՝ Սելևկյան տերությունը, Եգիպտոսը, Մակեդոնիան, Պերգամոնը և այլն:
Տալ «Հելլենիստական մշակույթ» հասկացության բացատրությունը: Պատմել հելլենիստական մշակույթի կենտրոնների, նրանց նվաճումների մասին:
«Հելլենիստական մշակույթ» նշանակում է հունական և արևելյան մշակույթների միաձուլում:
Ալեքսանդրի տերության ստեղծմամբ տեղի ունեցավ հունական և արևելյան մշակույթների փոխներթափանցում, համադրում: Ալեքսանդրը մեծ կարևորություն էր տալիս քաղաքներին, հետևաբար իր արշավանքի ժամանակ հիմնեց ավելի քան յոթանասուն քաղաք, ուր հունական և արևելյան արժեքների համադրությունը դրսեվորվում էր յուրահատուկ ձևերով:
Հելլենիստական նոր պետություններում ձևավորվեցին մշակույթի կենտրոններ՝ Ալեքսանդրիան, Պերգամոնը և Անտիոքը:
Ալեքսանդրիայում ստեղծվեց նշանավոր Մուսեյոնի տաճարը, մեծ գրադարանը՝ շուրջ հինգ հարյուր հազար ձեռագիր պապիրուսներով: Գիտության նվաճումներից էր Ալեքսանդրիայի փարոսը՝ շուրջ 120 մետր բարձրությամբ մի ածտարակ:
Պերգամոնը համանուն թագավորության մայրաքաղաքն էր, որը գտնվում էր Փոքր Ասիայի Արևմուտքում: Այստեղի գրադարանում հորդի կաշվից ստեղծվել էր գրության հատուկ նյութ՝ մագաղաթ:
Անտիոքում ձևավորվել էր իմաստասիրական դպրոց, որը շարունակում էր Արիստոտելի ավանդույթները:
Ներկայացնել Ալ. Մակեդոնացու օրոք տեղի ունեցող կարևոր իրադարձությունների ժամանակագրությունը:
Ալեքսանդր Մակեդոնացին կառավարել է Ք. ա. 336-323 թթ.:
Ք. ա. 334 թ. սկսվեց նրա նշանավոր արշավանքը՝ մուտք գործեց Փոքր Ասիա:
Ք. ա. 325 թ. Ալեքսանդրը գրավեց գրեթե ամբողջ Փոքր Ասիան, ապա Փյունիկիան, Եգիպտոսը և Ասորիքը:
Ք. ա. 331 թ. տեղի ունեցավ գլխավոր ճակատամարտը Գավգամելա կոչվող վայրում:
Ալեքսանդր Մակեդոնացին մահացավ Ք. ա. 323 թ.:
Քնարիկ Ադամյան 